Nagpahanap ako sa Caramoan nin antigong gantahan o litrohan man lamang, alagad sagkod ngunyan dai pang resulta an paghanap. Kadakol sana an estorya nin paturoro-turo kun saen o sa-irisay pa na kagharong an igwa pang saray kan sakuyang pighanap. Mas malibyano nanggad maghanap an ngimot kaysa bumungkaras para maghalungkat sa kalapatan asin maalpog na sulok-sulok, o kaya magtangad sa kun sain-sain na kabaan nakasang-at, an kaban na dayupot sa erok na kadikloman.
I requested from Caramoan to look for that antiquated Gantahan or even the Litrohan, but unfortunately, the search result has no clear indication yet. There were just a lot of stories elicited, pointing here and there, naming whom and who treasured those things I am looking for. Lip service becomes a convenient finder, instead of jumping at once to search every nook and cranny, brave the dust and cobwebs which were the usual longtime companion of such treasure chest.
Sabagay, sa gulping estorya naparahay man ta na-swertehan kong madangog an ngaran, an ngaran kan sarong “Panday”, an de-kalibreng karpintero na bantogan na iyong kag-panday kan mga gantahan, litro, medyahan, un-kuartohan, ultimo an karosan, na nagserbing reglamento nin komersyadong takadan sa banwa kan Caramoan.
At any rate, there was blessing in disguise with those lengthy accounts. I heard the name, the name of the master carpenter, who is said to be widely acknowledged as the one who crafted such boxes which became the measuring standard in Caramoan trade.
Sa mga masunod na aldaw, isusurat ko an ngaran asin recuerdo kan sarong abang tawong may abang legasya na nawalat na magayon paghorop-horopon kan katawhan sa satuyang banwaan.
In the following days, I shall write about the man and his humble legacy that would just leave a beautiful memory and indelible impression on the consciousness of every Caramoanon.
Sa paagi kan perpetual na librarya sa kalawakan, maw-ot kong umawon asin isaray an nagkapirang memorya manongod sa tawong ini na karapat-dapat man na maiukit sa gapo kan panahon an saiyang abang ngaran. Ini an saiyang magiging monumento na daing peligrong marumpag, orog na matagal, dai matutukal o mababaak, kumpara sa saiyang marmol na lapida na nawalat sa mapong-aw nyang lubungan, kun igwa man.
Through the perpetual library on the cyberspace, I wish to pay tribute and preserve our memory about this man whose humble name is worthy to be engraved on the stone tablet of time. Here, his' is a monument that is physically indestructible, much more durable, undetachable and unbreakable, unlike his tombstone laid upon his graveyard, if any.
Abangan. (Await.)
.png)
